Hasyanandam March 2021
హాస్యానందం
అభిమానులకు.. ఆప్తులకు.. సన్నిహితులకు
హాస్యాభివందనాలు.
ప్రతి ఒక్కరికీ సొంత అభిప్రాయాలు, ఆలోచనలు, నిర్ణయాలు ఉండాలి. వ్యక్తిగతమైన ఆలోచనలు మన వ్యక్తిత్వాన్ని వ్యక్తపరుస్తుంది. మనం కొందర్ని చూసి స్పూర్తి పొంది కొన్ని పనులు చేస్తుంటాం. మనం స్పూర్తి పొందిన ” ఆ వ్యక్తి దానికి అర్హులో కాదో ముందుగా ” తెలుసుకోవాలి. అంతేకానీ ఎవర్ని పడితే వారిని ”స్ఫూర్తిప్రదాతలు’ చేసేయొద్దు! ‘స్ఫూర్తిప్రదాతలు’ అనేది గొప్ప మాట! మనకు సహాయం చేసారనో… మనం కష్టాల్లో ఉంటే మనకు అండగా ఉన్నారనో వారిని ‘స్పూర్తి’ గా తీసుకోవటం తప్పు కాదు గానీ… మన ‘విజ్ఞతతో’ ఆ వ్యక్తి నుంచి ఏం స్పూర్తి పొందామో మనకి మనం ప్రశ్నించుకోవాలి! ఒకరి వలన ప్రభావితమై తీసుకునే నిర్ణయాలు మనకంటూ ఓ ‘వ్యక్తిత్వం’ లేకుండా చేస్తుంది. మన చదువులు, లోకజ్ఞానం, మనం చూసిన, చూస్తున్న ప్రపంచం మనకి చాలా విషయాలు నేర్పిస్తుంది. వాటిలో మంచి చెడులను బేరీజు వేసుకుని మంచిని ఆచరిస్తూ అదే మన ‘వ్యక్తిత్వం’ అనేలా ప్రవర్తిస్తే మనకంటూ ఓ గుర్తింపు లభిస్తుంది. నా ఉద్దేశం ‘స్పూర్తి’ పొందవద్దని కాదు. దానికి వారి అర్హత పరిగణలోకి తీసుకోండి! మన అనుభవాలే మనకి మార్గదర్శకాలుగా అనుసరిద్దాం! మనకంటూ ఓ వ్యక్తిత్వం ఏర్పరచుకుందాం!
అందరూ ఆనందంగా.. ఆరోగ్యంగా ఉండాలని కోరుకుంటూ..
